可能好多靓靓女生，喺花季年纪都有过“做模特”嘅谂法，街坊莹莹就係其中一个。两个星期前，佢被星探睇中，仲话，月薪十万，唔再是个梦。

今年19岁嘅莹莹青春靓丽身材标志，同好多少女一样钟意喺微博发下自拍。 两个星期之前，有位“星探”就喺微博搭讪莹莹，佢问莹莹有冇兴趣做模特拍摄一D平面，跟住就问莹莹嘅身高体重。

莹莹同我哋讲：哩位“星探”问嘅问题都好专业，而且自己都对哩个行业有兴趣，加上做兼职可以帮补一下自己，所以莹莹就开始心动啦。

双方倾过之后“星探”就叫莹莹去壬丰大厦面试，以为自称係模特经纪嘅工作人员接待咗莹莹，几句简单嘅问答，摆几个简单嘅姿势，莹莹就咁通过咗面试啦。 面试通过咗之后，工作人员就要莹莹交钱，交钱拍摄模特卡，而且，拍摄仲有套餐，分别值4900-8800元不等。但係，哩笔钱对于仲係学生嘅莹莹来讲，係一笔好大费用。

长达三小时嘅协议过程，工作人员为咗叫莹莹俾钱，挪咗一D成功签约嘅模特照片俾莹莹睇，而且，工作人员仲同莹莹讲“对比宜家拍摄模特卡嘅钱，以后接咗广告拍摄嘅工作，钱就可以好快稳翻来啦”。 最后， 喺工作人员嘅说服之下，莹莹就先交咗1000蚊办模特卡嘅钱，剩余嘅钱佢哋可以帮莹莹先垫付。

做模特，要拍模特卡？收费收得咁贵？即係，未见官先打五十大板，越听越似“套路”，莹莹个心都是十五十六，跟住就去微博搜索哩间公司，现唔少人拍摄咗模特卡之后，就未收到任何工作。 于是，莹莹就向记者求助，当记者暗访之后发现工作人员接待记者时讲嘅嘢都一模一样，总之就係要先交钱，至于后面有冇工作接就要综合考虑。

当记者想要详细了解收费标准嘅时候，工作人员就提高了警惕，就话唔想合作啦，随后记者就表明咗身份，希望对方可以退回1000蚊押金俾莹莹，对方就话要询问过经理先，不过好快，经理就过来退翻咗押金。 “丑都不要紧，你交钱就得”，这些案件无非就係忽悠你等你飘飘然跟住收钱，再毁约赖账跑路嘅老套路，桥唔怕旧，最紧要受骗局，都是万变不离其宗，凡是要你交钱嘅嘢，都唔会係咩好嘢，各位街坊一定多个心眼啊！