辛苦嘅2016年终于过去

相信全中国嘅打工仔

最关心最期待嘅就系

年！终！奖！

而琴日老友阿明就同大雄讲

佢地公司都要发年终奖喇

发咗之后就请小编食餐劲

虽然系私企

但系平时见阿明公司福利都唔错嘎

双休、十点上班、老细日日请下午茶

而且佢喺公司做咗都有两年喇

今年第一次发年终奖

加埋工资保守估计上万系唔走鸡嘅喇

唔知系咪今年世道好

有人爆出京东腾讯百度华为今年嘅年终奖

睇到大雄眼发青光流晒口水

京东

上年京东年会包咗举行北京奥运会嘅体育馆

仲请埋王力宏嚟派利是

今年唔知会请边个明星做财神呢？

而根据可靠消息！今年年会佢地将会累计派发：

五十个！20000现金！

一百个！10000现金！

416台！iphone7！

大部分员工至少可以摞到半年以上月薪！

华为

华为呢几年取得嘅成绩大家有目共睹

而任正非一直都被称为最大方老细

年底自然唔会亏待员工啦~

据说！入职满三年会摞到18万年终奖！

表现突出可能会有20万年终奖！

你谂下如果应届毕业生喺华为做三年

就可以奔小康喇！

如果系17-18级员工，入职超过十二年

配股有几十万、税前分红有六七十万

再加上奖金46万、补助46万

加加埋埋，过年可以分到过百万！

而且根据往年惯例

如果华为今年达到应收额

咁公司就会摞出2000亿奖励员工！

讲唔定每个人年终奖都超过20万

腾讯

如果不出所料

腾讯今年业绩最好嘅部门

年终奖至少有24-48个月嘅工资！

你睇下今年腾讯18周年庆

马化腾就发咗3000万人民币微信红包！

在职员工、离职员工、公司服务人员

连外包人员都统统有份

仲宣布所有员工都可以分到300股腾讯股票！

阿里巴巴

今年阿里巴巴嘅年终奖

会由年终红包、年终奖金、加薪、股权奖励

等等组成

而且年底仲有双粮

听讲总监级嘅年终奖会有成20万！

唯品会

总部喺广州嘅唯品会

年终奖都系令人羡慕妒忌恨嘅

今年年会同样喺容纳万人嘅广州体育馆搞

记得上年四千份500蚊嘅礼品卡都只系五等奖

更土豪嘅系直！接！送！车！

两部英式奢华捷豹XF！

四部法式浪漫风情DS 5LS！

仲有二十个马尔代夫6日双人游！

两百部iphone、两百个iwatch、四百部ipad！

讲咗咁多百强企业嘅土豪年终奖

然而

今日珊迪喊住咁微信同小编讲

话佢嘅年终奖三旧水都无！！

我一脸懵逼

然后就收到佢发过嚟嘅工资单

↓↓↓

扣埋一大堆垃垃杂杂得翻233蚊！

珊迪本身工资就唔高

个个月都无钱净

谂住过年靠今次年终奖

帮自己买翻件衫，孝敬下阿爸阿妈

过年喺亲戚面前都有翻啲面啦

点知工资单一出，真係喊都无眼泪！

唉，睇嚟小编餐大餐飞走咗

仲可能要请老友食饭安慰下佢添~

终于感受到人同人之间嘅差别！

大家都系打份工，点解可以差咁远？

好想问一句：

华为请唔请打杂？吃苦耐劳读过大学嗰种~

大家发咗年终奖未啊？今年有几多呢？

不妨留言同小编分享下~

如果有更惨嘅，等小编安慰下珊迪都好~